صحيفة الثورة نيوز - في خطوة مفاجئة، أعلن الإعلامي بوبكر بن عكاشة، المعروف بمواقفه المعارضة بشدة للرئيس قيس سعيد ومسار 25 جويلية، أنه بدأ يفكر بجدية في الهجرة خارج تونس. جاء هذا الإعلان بعد أن كشفت هيئة الانتخابات عن الأسماء النهائية الثلاثة المترشحة للانتخابات الرئاسية المقبلة.
وأكد بن عكاشة أنه لم يكن يفكر يوماً في مغادرة وطنه، لكنه يرى الآن أن الوضع الحالي يدفعه إلى البحث عن فرص عمل خارج تونس، سواء في المجال الإعلامي الذي عمل فيه لسنوات أو في مجالات أخرى.
وفي تصريحاته التي أثارت ردود فعل واسعة، قال بن عكاشة: "اللي ينجم يعاونني ما يبخلش عليّ"، مما يعكس رغبته الجادة في الانتقال إلى خارج البلاد.
وتابع قائلا حول رؤيته للوضع الحالي في تونس: "تونس بلاد هايلة .
و فيها مواطنين ولادها و يحبوها . بالرغم من فرد كرش كل واحد عندو شخصيته و تربيته و أسلوب رد فعله و العقد متاعه و طموحاته و هواياته و واحد اختار ولا تلز باش يكون فصالة ولاخر طلع طبيب و لا أستاذ جامعي و باحث و لاخر يسترزق يبيع و يشري و لخرى معلمة و فرملية و بطالة .
اللي كمل قرا و وصل و عندو مخو مليان و ذكي و يخطفها و هي طايرة و قلبو باهي و حنين و رجولي (اقلية)
اللي كمل قرا و دبر وظيفة أما قعد سطل و محدود التفكير سطحي يمن بالحمية و اخطى راسي و اضرب و يفهم في برشة حاجات و رد بالك تقله انت غالط .
و نلقاو الانتهازي اللي ديما عينيه على خواته كيفاش يدبر منهم حاجة و ديما مع الواقف و هو زادة يفهم في كل شي و يتبع الموجة و فيسع يقتنع مادام مصلحته ما تمستش و يفرح كي يشوف خوه صارتله مشكلة و لا يتعددى بظروف صعيبة . و تسنع عبارة"كان جيت أنا ..."
و عادة منافق صاحب الناس الكل و ديما ينصحك و يحكي كان على روحه و عادة عندو ضربات كذب باش ينفخ روحه .و في الدورة يبيعك و في اول خلاف يشكي بيك و يلفقلك قضية و يضرب روحو بحجرة و يتهمك . يفهم في السياسة و يدافع على الواقف بسنيه و يبدل موقفه كي تتبدل الريح و يعرف برشة ناس و تلقاه يلحلح باش يودك بحاجة و يكلمك في العيد يستحقكش نهار في قضية. و أخيرا و ليس آخرا . السكوتي و اللي حدو حد روحه . أما ضربته توجع . ما يدورش بيك اما تمسو يلدغك . و يقطعك
كل واحد عندو منهم في عايلته و اقاربة و ربما فمة شخصيات اخرى أنا ما نعرفهاش . اما كي نفصل في الانواع المذكورة سلفا نعرف الجبان اللي يحكي كان في ظهرك و ما ينجمش يواجهك، و نعرف الصاقت و نعرف الخاين و نعرف المصطك و ماشي في بالو ذكي ياسر و يتكلم بصوت عالي و المعقد و ما عندوش ثقة في روحو و أول ما تجيه فرصة و ياخذ مسؤولية يعفس على الناس الكل و يودها صبة و تقارير باش يحس روحه مهم الخ الخ الخ .
مشطرة على الناس اللي عايشين معانا و هذا في كل مجتمع . المشكلة هي انعدام التوازن . الخايبين و الجهلة يتكتلو على البقية . تحدث الكارثة.".