هاجم نشطاء التواصل الاجتماعي؛ المغني المصري محمد منير؛ عقب قوله إن المتسبب بحادث تصادم قطاري الإسكندرية الجمعة؛ هو “موظف راح يصلي”، حسب زعمه.
وقال في حفلته الغنائية الأخيرة بالساحل الشمالي بالإسكندرية: “أنا صحيت من النوم اليوم على خبر أزعجني جدا، 42 ضحية مصرية في قطار.. المسلسل ده مستمر بسبب حاجة صغيرة اسمها الجهل”.
وتابع منير: “وعشان مسلسل الكوارث ده ميستمرش لازم نتعلم، أكيد في واحد النهاردة المسؤول عن الحكاية دي راح يصلي، وبعد ما صلى راح بيته مرجعش عمله، مع إن عمله كان أهم من الصلاة، عموما ده مشيئة ربنا وقدر ربنا وربنا يرحمهم ويتولانا”، كما قال.
وعبر مواقع التواصل الاجتماعي، شن النشطاء هجوما على منير لربطه الحادث بالصلاة، فقال وائل سويدان: “اشمعني راح يصلي؟ ليه دايما رابطين الصلاة والتمسك بالدين بالجهل والتطرف والإرهاب. يمكن كان رافع إزازة خمرة من اللي بترفعوها، أو شارب سيجارة حشيش من اللي بتشربوها، أو أي سبب غير الصلاة وبعدين اللي حريص يسيب شغله عشان الصلاة.. اكيد صلاته هترجعه تاني”.
وقال محمد إبراهيم: “ده بيكرر كلام وزير النقل اللي قال أغلب حوادث القطارات من المساجد اللي في المحطات! طيب يا فصيح المرة دي الحادث بعيد عن المحطة تعمل إيه بقى حضرتك؟!”.
المصدر: الصريح