2ـ باش يزيدكم في المحروقات
3ـ باش يزيدوكم في الاسعار باش يخلصوا الهلكبترات الجدد الي شراهم جمعة رشوة للفرانسيس من غير طلب عروض
4ـ أنيس العزيزي اغتيل
5ـ نقابات الامن مجرد عصابات
6ـ مستقبلكم ومستقبل أولادكم في خطر
7.الباك تسرب و يباع على قارعة الطريق
8. بوليس شدوه في المظيلة يعمل في قاطع و مقطوع لديار البوليسية، أكا إرهاب فصل 1، و سيبوه
9. النحلي تحرق بفعل فاعل حسب الوزير، و احماية المدنية توصل إمخر برشة
10. وقت طفلة 4 سنين تموت غرقا في أوتيل لغياب التجهيزات، وزيرة السياحة عند الإستيتيسيان تعمل في حواجبها باش تصور إشهار.
لن تسمع للناعقين صوتا، وقت الترويكا لم يكن همهم لا تونس لا الزوالي لا السياحة لا مستوى المعيشة : كان تفليما! هاو حال تونس اليوم، هل سمعتم للنابحين الي يبكيو على تونس و الزوالي و الإرهاب صوتا؟
إن شاء الله الي كان يتبع فيهم و جاد عليه ريقهم يكون فاق على روحه توه : هم أتعس ممن كانوا ينتقدون، هم أكذب الكاذبين و لا حياء لهم : هم أشد الناس كفرا بما يرفعون من شعارات.
إن شاء الله تنحات الغشاوة : أغلبهم لا يَصلح و لا يُصلح، و نفاقهم و غياب مبدئيتهم و تجارتهم حتى بما لا تصح به التجارة هم سبب ما نحن فيه، و يكفي أن تجيهم وزيرة عاملة حواجبها حتى يولي الإرهاب و الزوالي و القدرة الشرائية أساطير الأولين.
تحية لتياسة الروز بالفاكية الي صدقوهم و تلعب بيهم زعمة لأجل الزوالي و المال العام و الكفائة و الريق : إن كان لم عذر الجهل و ضبابية الأمور سابقا، فقد زال عنكم اليوم، فمالكم لازلتم بهم لا تكفرون!
ياسين العياري