قضت الدائرة الجناحية بالمحكمة الابتدائية بتونس اليوم بالسجن لمدة عام ضد الإعلامي المعروف برهان بسيّس. وقد أوضح الناطق باسم المحكمة، محمد زيتونة، أن هذا الحكم جاء على خلفية قضيتين منفصلتين تتعلقان باستخدام غير مشروع لشبكات وأنظمة المعلومات والاتصال.
في القضية الأولى، قضت المحكمة بالسجن لمدة 6 أشهر بتهمة تعمد استعمال شبكة وأنظمة معلومات واتصال لإنتاج وترويج ونشر وإرسال وإعداد أخبار وإشاعات كاذبة بهدف الاعتداء على حقوق الغير والإضرار بالأمن العام. أما في القضية الثانية، فحكمت المحكمة على بسيّس بالسجن لمدة 6 أشهر أخرى بسبب استخدام أنظمة معلومات لنشر أخبار تتضمن نسبة أمور غير حقيقية بهدف التشهير بالغير وتشويه سمعته والإضرار به مادياً ومعنوياً.
يأتي هذا الحكم في سياق اتهام برهان بسيّس بنشر عدة تدوينات والقيام بتصريحات تضمنت إشاعات وأخبار تمس بالنظام العام وتعرقل صفوه. وقد أثارت هذه التدوينات والتصريحات ردود فعل واسعة وانتقادات من قبل مختلف الأطراف، معتبرين أن هذه الأعمال تضر بالسلم الاجتماعي وتساهم في نشر الفوضى.
وفي تعليق على الخبر كتبت أمينة بسيس, إبنة برهان بسيس: عام سجن في حق والدي المحترم برهان بسيس !!!!!!!!!
ليومة صارت الجلسة و اقسم بالله العظيم نتحدى اي واحد دخل و سمع خطاب برهان و لم يكن منبهر !!!
و سمع مرافعات ثلة من نخبة المحامين التونسيين الي نشكرهم و نحييهم و الي كان خطابهم مستمد من نصوص قانونية من الدستور التونسي فقط 🇹🇳و الي يبرؤ من اي تهمة حسب التهم الموجهة ليه !!!
والدي امتثل امام القضاء تعرفوشي علاش؟؟؟ و تحكم بعام تعرفوشي علاش زادة؟؟؟؟؟؟؟؟؟؟ لا موش خاطرو مجـ ـرم
على خاطرو كان محايد كان في كل مرة يسأل اي ضيف عندو على رايو فلي قاعد يصير في البلاد ( أخبار البلاد الي منتشرين في كل موقع شبكات التواصل الاجتماعي او في الاخبار العادية)
اي نعم ليومة في تونس ولينا نتحاسبو على سؤال نسألوه في اطار اعلامي و نحاسبو زادة على تدوينات عندهم 5 سنين 2019 (في اطار نشر اخبار لا غير ) و الي القانون الي يعتمدو بيه صدر في فيفري 2022 بعد التدوينات ب 3 سنين و التقارير فارغة مفيها شيء و العادي يكون عدم سماع الدعوى……
فضيحة باتم معنى الكلمة الي صار ليومة !!!!!!
هاو الظلم و الاستبداد !!! و نتحدى اي واحد فيكم كان يوريني نهار برهان بسيس نشر معلومات واشاعة أخبار تتضمن نسبة أمور غير حقيقية بهدف التشهير بالغير وتشويه سمعته و نتحداكم كان فمة عكس كلام الي نحكي فيه انا!
الحي يروح و شيء ميدوم👋
وحول زيارة له في سجن المرناقية قالت أيضا: ليومة نهار نتخيل كل واحد عندو زيارة ينجم يفهمني و يحس بيا ..
ليومة بعد جمعة نجمت نشوف بابا مشيتلو نجري نفرفط متتصوروش قداش مخلي عليا بلاصة خاصة الي انا عندي مدة نمر بفترة صعيبة و كان واقف معايا في كل حاجة …
مشيت مع امي ربي يفضلها في سخانة اليوم على الاقل فمة 5 km على ساقبن نمشيوهم باش نوصلو لمكان الزيارة بكل وجيعة و قهرة و طريق كاملة عديتو بكاء من حطان القفة ،شدان الصف، للزيارة بلحق شيء يحمم القلب دنيا معبية برشا كل واحد و حكايتو .. الفئات العمرية الكل ..
و امي توصي فيا و تعاود باش نضحك و نفدلك كي ندخلو parloir خاطر بابا كان يشوفني هكاكا اتو يصير فيه .. سمعت كلامها و دخلنا و كي شفتو نسيت الدنيا و ما فيها يضحك و يفدلك كالعادة و يسلم عليكم الناس الكل .. و بالطبيعة سي هارون يسال على عمايلو و يوصي فيا عليه و يعاود (اي نعم خذا بلاصتي) و انا اكا الدموع شادتهم بالسيف .. وفات مكالمتنا بنحبك يا با و ميدوم حال عدينا ساعتين بين الصفوف و الوقفة و المستنية باش نجمنا نشوفوه اكا درجين من زمان ..
يا ربي الحمد الله ..
و مخيبو الاحساس و انتي خارج من غادي و مخلي عبد عزيز عليك و نوعدك يا با كيما انتي تقلي انا بنتك بالف راجل ..
هذا الكل باش يقعد كلام و كل شيء انشاء الله باش يوفى
…. و ربي يفرج على الناس الكل و شيء ما يدوم ..
و شكر خاص لاعوان سجن المرناقية على حسن المعاملة 🙏🏼