↔
و اللي يحب يصلح بالحق و يحارب الفساد يحل الدوسي كامل في الثلاثة بنوك العمومية و يشوف شكون المستفيدين... مش فقط يعمللهم قرصة وذن .. يحاسبهم بالحق على القروض دون ضمان و استثمار فلوس الدولة للحساب الخاص.. انك تخدم بفلوس الدولة و تحقق ارباح و ما ترجعش فلوس الدولة و تخلص قرض بقرض و تزيد تاخذ قرض اخر بش تستثمر و بعد تربح و تعاود ما تخلصش و REBELOTE ..
ماذا بينا سي قيس سعيد يعمل دورة على البنوك الثلاثة مش يجيبولو ملفات ناقصة موظفة لاهداف معينة في وقت بعينه زعمه زعمه" هانا حلينالهم ملفاتهم سيد الرئيس لانهم تجرأوا و فكروا في الترشح" ..
تحب تحل حل ملفاتهم الكل في الثلاثة بنوك و توا تلقى قروض من التسعينات لتوا ما خلصت.. اما ذر الرماد على العيون هذا سينما في حيط و فوشيك باني باني لا يغني و لا يسمن من جوع. البوست هذا نعرفو لن يروق لل 🪽ات و صناعهم.
اوتال نجمة زعمه خلص القرض متاعو اللي خذاوه من سنين الله ؟؟
نزل قوريا بالاص بأي فلوس تشرا و بأي فلوس صارتلو اعادة تهيئة بش ولى 5 نجوم ؟
المنظومة كاملة من راسها لساسها كذابة و سفيهة و لن تتجرأ تحل الملف هذا بكل الشفافية و دون محاباة و على المكشوف دون ترمريم و تغطية خنار.