مدونة "الثورة نيوز - عاجل": قالت الكاتبة والباحثة ألفة يوسف ما يلي: "هل أتاكم حديث الستاغ؟ تقطع الغاز رغم خلاص تم بعد ثلاثة أيام، ولا ترجعه الا بعد أسبوع تحفى فيها رجلا الحريف ذهابا وإيابا...
هذا مثال من بعض مصائب الإدارة التي يعانيها المواطن يوميا، ولا داعي لإعادة الحديث عن مظاهر الفقر والتسول وغياب الأمن وسواها من مصائب ما بعد 14 جانفي...
هذا لا يهم، لكن أن ترى شباب المخابرات الأجنبية (المسمى شباب الثورة) يفتخر ب"ثورة" لم تجلب للناس الا الهم والغم، فلا تملك الا أن تقول: اللهم أذقهم قبل غيرهم الويلات، ولا تفرج كربة واحد منهم، واجعلهم أول من يكتوي بنتائج بيعهم الوطن... بجاه عزتك يا رب العالمين...".
ورد المدون والصحفي هيثم المكي بالقول: "الدكتورة و المفكرة ألفة يوسف خلصت الغاز، و الستاغ بطات في ترجيعو، ياخي طاحت تدعي على "شباب المخابرات الأجنبية المسمى شباب الثورة" باش ربي يذيقهم قبل غيرهم الويلات ولا تفرج كربة واحد منهم" إلخ إلخ... قبل كل شيء نحب نشكر الدكتورة على هالتعليق الرائع المستلهم من أدبيات المازري حداد و طارق رمضان و ياسين العياري، و ندعو لها بالرجوع العاجل للغاز اللي عمرو ما تقطع عليها وقت بن علي و الله يهلك شباب الثورة اللي كانوا سبب، أما بربي عندي سؤال : شكونهم "شباب المخابرات الأجنبية المسمى شباب الثورة" اللي تتمنى انو ربي ما يفرج كربة حتى حد فيهم ؟ عزيز عمامي ؟ ولا أولاد منزل بوزيان و قفصة و جلمة و غيرهم المسجونين على خلفية المشاركة في أحداث الثورة ؟ خاطر في بالي عزيز صحاب هي وياه، و بصراحة ماذا بيا نعرف وين فمة مراكز إنتداب و تدريب تابعة المخابرات الأجنبية في سيدي بوزيد و الكبارية، خنمشي ندبر راسي، و في الختام نحب نعرف حاجتين : هل عندها أدلة ولا إثباتات تخول لها باش تتهم شكارة مواطنين بالخيانة العظمى (اللي عقوبتها الإعدام) ؟ و كان ما عندهاش، شنوة الفرق بين كلام كيما هذا و كلام الصفحات الجرذانية اللي نهار كامل يكفروا و يخونوا و يشوهوا في العباد بالباطل، و اللي هي بيدها من أكثر الناس اللي عانات منهم ؟
من صعلوك الموساد و قاهر الكهرباء و الغاز، مع الشكر".
