صحيفة الثورة نيوز - قال الفنان الشعبي حسام بن رمضان :
أنا توا عندي شهر ملي روحت من السجن ، ولتوا مانيش فاهم حتى شي قاعد نستوعب ... في نزل يوم 9 ديسمبر مشيت عندي عرض متاع خدمة في صفاقس كي خرجت نلقا الشرطة يستناو فيا مشيت معاهم وتعامل كان بكل احترام ، قالولي باش نسألوك شويا أسئلة وتروح أما أنا عرفت إلي مانيش مروح ... أنا عندي مدة شادد ثنيتي خدمتي لا عندي وقت لا لقعدات لا حتى شي ... دخلنا للمركز قالي تعرف هذا الشخص؟ قتلو مانعرفوش قالي حل تاليفونك قتلو مانحلش قالي تحلو عند التحقيق ، ماعطيتش تاليفوني باش يدخل للمعطيات الشخصية متاعي! ... بتنا الليلة لولى في الإيقاف ، خرجونا نبحثوا وعرفت التهمة من غدوة هي توزيع وترويج وعرض مواد ممنوعة ، أنا دخت كيف قالي هكا ... أنا قبل عديت 10 سنين حبس وخرجت ... أنا لتوا متأزم وحتى عايلتي خلاف أمي واختي وخويا ماحكيت مع حتى بشر وطلبت من أمي ماتجيبلي حد للمنزل ... ياسر خايبة إنك تمسني في سمعتي حاجة توجعني أنا أكثر من لعباد وقلقتني برشا ، أنا توقفت من خلال اختبار هاتف وقعدت في الايقاف شهرين و 17 يوم وتعداو أطول من 10 سنين ، عذاب
