خلال حضوره ضيفا اليوم الثلاثاء 13 سبتمبر 2022 في برنامج الدوامة على إذاعة إي أف أم، تحدّث الممثل القدير فتحي الهداوي عن مسيرته الفنية وقال :"إذا وفى الطموح انك تعمل ديما ما أحسن فيلزمك تبطل ... عمرو ما كان عندي طموح اني نكون غول في حاجة واهم حاجة انك تستمتع بالشي إلي تعمل فيه وتركز فيه وقد ماتعطيها المهنة هذي هي تعطيك المحبة والمودة".
وبخصوص تجربته الإذاعية في تقديم برنامج "نهج التريبونال" قال :"مستمتع بنهج التروبينال ، قبل تسجيل أول حلقة كيما إنك باش تجسد دور وتفكر فيه وتحاول تشوف الجوانب متاعو ... سمعت تقريبا 10 دقائق من الحلقة وعادي إنك تسمع روحك وبدون عقد وبدم بارد وبشي يشبه الموضوعية ... ماطلبت حتى حد يسمع ويعطيني رايو من أصدقائي لأنو طبيعي باش يتسمع وبصفة عادية اصدقائك وعائلتك باش يسمعوك ويعطوك رايهم ... مانيش في وارد المنافسة أو المقارنة ولكن طبعا البرنامج عندو تاريخ باهي برشا ويتمتع مع سي محمد السياري بنسبة مشاهدة عالية برشا ... وهذا دافع نعملو حاجة باهية في مستوى سي محمد وان شاء الله نوصلو نعملو كيفو".