صحيفة الثورة نيوز - كتب الإعلامي سمير الوافي - مسرح شبه فارغ في قرطاج في حفل نور قمر...جمهور حجمه عائلي...كما كان متوقعا ومنتظرا...وحين كتبنا بلطف منذ مدة أنها صغيرة على مسرح قرطاج...ويجب أن تتمهل ولا تجازف ولا تغامر حتى لا تحرق المراحل وتحترق...أجابتنا بغرور ودافع عنها بعض المجاملين والمتملقين والمعجبين الذين يستسهلون قرطاج مثلها...فسكتنا حتى لا نحبطها ولا نعرقلها...وظلت هي متخمرة تردد أنها جديرة بمسرح قرطاج...ولن يخذلها الجمهور...وإسمها يكفي وصوتها يغري وحجمها يملأ...!!!
اليوم إستفاقت نور من تخميرتها...ومن حلمها الجميل الذي تمنينا أن يتحقق ويكذبنا الواقع...لقد زجوا بها و بإسمها الغض والهش في مغامرة في وقت مبكر من تجربتها وعمرها...ولم نظلمها ولم نقلل من حجمها...فالصوت الجميل وحده لا يكفي...والتواضع أجمل...خاصة في هذا العمر !!!
لم نكن قاسين على نور قمر...بل نصحناها بلطف قبل الحفل وراعينا رهافة شعورها وهشاشة نفسيتها...لكنها كابرت وعاندت وإغترت...على كل الكلام الوجاع نفاع...والعيب ليس في أن تسقط بل في أن تظل حيث سقطت...والمهم أن تنهض نور من عثرتها وتتعلم من هذا الدرس...ولن أسميه فشلا بل درسا...ولولا الفشل لما تعلمنا كيف ننجح...وكيف نتحدى...وكيف نحول الفشل إلى طاقة تشغّل محرك نجاحنا...
كان في عوض شكرتو نور قمر ودافعتو عليها...حضرتولها في مسرح قرطاج...راو ما صارلهاش اللي شفناه...وراهي الحفلة متاعها نجحت...لكن الحنية هذي اللي ظهرت بعد الحفلة متأخرة برشة وقريب تولي نفاق...!!!
النقد البناء عمرو ما كان إحباط للعزيمة والنصيحة الصادقة عمرها ماكانت تنبير...ومطربة شابة وصغيرة ما تنجمش تقدم بالتطبيل والتهليل فقط...لازمها تسمع النقد اللي وجهها وينفعها...موش المدح اللي يغرها...وموش التشجيع المنافق...نور غلطت في التقدير...وماهياش نهاية العالم...الكلنا غلطنا ونغلطو وتعلمنا ونتعلمو...وكل فشل هو درس...المهم الوعي بالخطأ وأسباب الفشل موش المكابرة والعناد والغرور...!!!