قرار رسمي من إدارة الترجي بخصوص حارسه أمان الله مميش وتداعيات مباراة المنتخب التونسي ومدغشقر

الإعلامي حسان بالواعر يكشف جوانب خفية عن الفنانة يسرى محنوش (فيديو) ↔

تحت عنوان قصتي مع يسرى ..كتب الاعلامي حسان بلواعر مقدم برنامج انت الحب على قناة نسمة الجديد تدوينتا كشف فيها عن جوانب انسانية للفنانة يسرى محنوش:

"نقرى و نشوف في تعاليق على النجاح الكبير تع سهرة اختتام مهرجان بنزرت الدولي .. فنيا و تنظيميا و جماهيريا ..الناس الكل سهرت و روحت فرحانة

و العدد المسند لا يقل عن 20 على 20 .

للاسف مانيش في بنزرت و تحرمت من حضور هالحفل ..اما برا قلت فرصة بش نحكيلكم

على فنانة .. إنسانة.. مزيانة ..قلبا و قالبا .. اسمها يسرا .. يسرا محنوش

في البداية ..الف مبروك صديقتي .. النجاح فقط يليق بك و بقلبك الكبير و العظيم ..

اللي حصدته انت من محبة الناس في هالصيفية .. ماهو الا ردة فعل طبيعية من القدر و الدنيا ..على المحبة الكبيرة اللي تنقلها للناس .

.. انا و يسرا عمرنا ما تقابلنا شخصيا ..لكن نجم نجزم انو صداقتنا كبيرة و حتى عظيمة ..

صداقتي بيسرا ترجع لفترة مرض صلوحة ..

كانت والدتها ..العظيمة الطيبة .. الفنانة الخلوقة ..هازار ..هي سبب تعارفنا ..اضافة لصديقتنا المشتركة ..ملكة هندسة الصوت ..يسرا المسعودي ..

المهم ما نطولش عليكم ..طيلة فترة مرض صلوحتي الله يرحمها ..يسرا كانت تكلمني تقريبا كل يوم ..تسال و تفسر و تعاون و تهز المورال .

يسرا وصلت تهز دوسي صليحة و تسأل من طبيب لطبيب ..حتى كي تبدا مسافرة خارج تونس .. ميساجات و تلفونات ..

يسرا تلبسك .. تفكلك مشكلتك ..تولي مشكلتها ..

يسرا تعمل كل شي بش تقسم معاك احزانك ..

يسرا تسرق من وقتها .. و تعطيك منو من غير ما تستنى لا شكرا لا عيشك

ايامات .اسابيع و اشهر .. لازم يوصل هك الميساج و الا التلفون

شنوة احوال تاتا ..طمني عليها ..بوسهالي .

ايامات ..اسابيع و اشهر ..اكتشفت خلالهم قداش قلبها كبير و حنين ..و قداش ما تتعبش من الوقوف مع اصحابها و احبابها ..

يسرا محنوش حبتها الناس و بش يحبوها اكثر لانها تستحق .. و لانها صادقة في كل كلمة حب تغنيها .

يسرا تستحق حب الناس .. لاني فعلا تحب الناس ..

بالطبيعة ما حكيتش على صوتها .. خاطر ما عادش بحاجة لشهادة جديدة

صديقتي الغالية ..مجددا ..النجاح يليق بك ..

دمت دوما متألقة و ملكة للطرب و المسارح ..

و وعد مني ..في الحفلة القادمة ان شاء الله

ساكون في الصفوف الاولى .. كي ارد لك قليلا من الحب ."

© copyright 2022 – جميع الحقوق محفوظة

tunmix