.webp "وجيهة الجندوبي تنهار باكية في المباشر وداعا صديقي وداعا هشام رستم (فيديو)")
في تعليق لها على وفاة الممثل القدير هشام رستم يوم أمس في خبر أحزن أغلب التونسيين، قالت الممثلة وجيهة الجندوبي في برنامج "المدام" على اذاعة إفم والدموع تملئ عينها :" سامحوني مانيش سعيدة وفرحانة اليوم كيما العادة، قلبي مكسّر من داخل برشة لفقدان الفنان الكبير والمبدع هشام رستم.. فقدنا البارح علم من اعلام الفن التونسي... ↔
هشام رستم انسانيا قريب ياسر من الناس وبرشة يحبوه، انا شخصيا فقدت صديق وفقدت أستاذ خاطر تعاملت معاه كمخرج وكممثل كان انسانيا رائع وكان يخليك تبدع وتعطي ما عندك.. هشام كان ديما يقول حبو بعضكم وتحاببو ، هذا الي تعلمتو من هشام رستم رحمه الله.. كان ديما الضحكة والفرحة والمحبة وكان انسان راقي في معاملاتو، فقدناه ومعادش بش نشفوه في اعمال جديدة لكنو ديما حاضر في الاعمال القديمة وفي ذاكرة كل من عرفه.. الى اللقاء صديقي نتقابلو في بلاصة ما خير ان شاء لله".