وزير الشّؤون الدّينيّة (كان تلميذي اذا لم تخنني الذّاكرة ) وهو العضد الأيمن للخادمي .. وزير الدّاخليّة تمسّكت به النّهضة و جيّشت الجهويات لابقائه.
.....و بعد ها المقدّمة هاهي المعلومة اللّي وعدتكم بيها :
السّيّد عبد الرّزّاق بن خليفة كاتب الدّولة للشّؤون الجهويّة و المحلّيّة ...قاضي نتوسّم أنّو فاضل و لكن هذا ما يمنعش أنّو نهضوي أو قريب من النّهضة ..كان والي بنزرت وهو حاليا .والي تونس ..مركزو في الحكومة الجديدة مؤثّر بطريقة مباشرة و قويّة في الانتخابات الجّاية اللّي مفتاحها البلديّات و النّيابات الخصوصيّة ...و هي في يدّو و يد وزير الدّاخليّة..ألا هل بلّغت.
الامل موش كوننا نغطسو روسنا في التراب و نقعدو نستناو ...النّهضة عملت حكومة على كيفها باش ما تخرججش مالحكم كما قال الغنوشي و باش تضمن انتخابات القادمة ....
انا ماجيتش نسقّط في ها الحكومة كيما ما خرجتش للشّارع لاسقاط سابقتها
انا نمارس في اليقظة و ننبّه في اللي يحب يسمعني و اللي ما يحبش بالسلامة و يسمعنا على بعضنا الخير.
نزيهة رجيبة (أم زياد)