في تصريحات حادة ومباشرة، قامت الإعلامية الرياضية البارزة عائدة عرب بوضع النقاط على الحروف بخصوص مختار التليلي، المحلل الرياضي المعروف. وأكدت عرب أنها لو كانت ابنة التليلي، لمنعته من الخروج من البيت والظهور الإعلامي، مشيرة إلى أن تصريحاته باتت محل سخرية واستهجان بين الجمهور.
وجاءت هذه التصريحات في سياق تصاعد الانتقادات لمختار التليلي ولأسلوبه في التحليل الرياضي ومشاركته في البرامج التلفزيونية. وأضافت عرب بأنه على التليلي أن يحترم سنه ويدرك الحاجة للابتعاد عن الإعلام، حفاظًا على السمعة التي بناها عبر السنوات.
وقالتالإعلامية عايدة عرب: كان واحد كيما مختار التليلي المعروف بماضيه الأسود في البيع و الشراء و التلاعب بالنتائج و بيع ذمتّو للي يدفع أكثر ...من غير ما ننسى التهريج في كل المنابر الإعلامية و طاتيح القدر و تسميع الكلام للبرشة ناس شرفاء و بقيمتهم...
كان يوصلو به ليوم التخلويض و هذيان الشيخوخة إنّو يمسّ قامة من قمم التسيير الرياضي في تونس ، مُحترم من كل الجمعيات التونسية وكل الأوساط بما انو تقلّد أيضا مهاّم سامية في مؤسسات الدولة ، المرحوم سي الهادي النيفر رئيسنا و مفخرتنا ورمز من رموز الملعب التونسي، فعلى الدنيا السلام!
ما كنتش نحبّذ نجبد راجل كبير و نحكي عليه هكّة، راجل ولّى ضحكة في البلاد، يجيبوه باش يعملّو به البوز و يخدمّو به وهو ما لقّى حدّ من القراب ليه يفيقّو على روحو!
أماّ إنّو يتجرّأ يمسّ سي الهادي النيفر بسوء، راجل ميّت وغير قادر حتّى على تكذيبو، إنّو توصل به إنّو يتكلّم على سيدو بالشكل هذاكا، فهذا مرفوض تماما!
سي مختار ننصحك شدّ دارك و اشري قدرك خاطر تجاوزت كل الخطوط الحُمر!
المرحوم الهادي النيفر خطّ احمر!