.webp)
خلال استضافتها اليوم في برنامج الدوامة، تحدّثت الممثلة وحيدة الدريدي عن تعاملها مع المخرج سامي الفهري وقالت أن لديه طريقة خاصة في صنع النجوم وتأطير الممثلين الذين يتعامل معهم، مضيفة :" فمة حاجة مايعرفوهاش انو سامي الفهري وقت يخرج الممثلين هو الي يصنع منهم نجوم لانو يعمللهم تغطية إعلامية ويعمللهم الهيكلة الي دايرة بيهم الي تصنع منهم نجوم... انا نعرف قدامي شفت شباب صغير خرج في مسلسلات و خدمو معايا في مسلسلات سامي الفهري وقت مايبداش عندهم القدرة على المحاورة والحوار فمة صحافين يخليهم سامي الفهري مع الممثلين هذوما يعلموهم كيفية الحوار والحضور يعمللهم تكوين..".
وأضافت متحدثة :"في البلاتو عامللهم شكون يوجههم أشخاص محددين يعملو توجيه الممثل... في مسلسلات أخرى تلقى صغار مايلقاش شكون يوجههم هوما صغار موهبين لكن يلزم شكون يوجههم في المقابل سامي الفهري كي يدخل لبلاتو على ممثل و des jeunes يحطلهم ممثلين معروفين أو ناس يوجههم كي يخرجو بعد المسلسل يمشيو للحوارات يحطلهم شكون يكونهم في الحوار... الي يسمع كلام يعرف يجاوب والي ما يسمع كلام ما يعرفش يجاوب... فمة ناس سمعت لكلام و محلاهم و يعرفو يجاوبو... الي عملو سامي موش فريد من نوعو لانو في العالم و الدول الي تصنع النجوم وراهم فمة ناس تتلهى بالاسئلة متاعهم و تطلب الأسئلة بالمسبق باش ينجم يجاوب ".