إنهاء برنامج أمين قارة وسامي الفهري يقرر فصله من قناة الحوار التونسي: كشف الأسباب

مدونة "الثورة نيوز - عاجل": بقلم ياسين العياري - فليعذرني أصدقائي، ممكن يضهرلكم هالستاتو بذيء، و مش من المستوى الي تستناو فيه، لكن عذرا، تربيت نتحمل مسؤولية أفعالي، و كيف نعمل حاجة، نحب ديما الرسالة للطرف المقابل تكون واضحة لا لبس فيها و لا إجتهاد.
أنا أعلم أنهم أجبن من إنهم يعرضولي في الدورة، لكن في حال ظهرلهم، الكل على بعضهم بدربز بالغرايري بالتكاري :
غدوة بإذن الله، نوصل لتونس 13h40. رسالتي :
إنكم توقفوني، تمرمدوني، تركبولي قضية، تعملولي سبة : هذا الكل قابله و مستنيه و داخل في قواعد اللعبة، ما يقلقش.
شنوة الي يقلق إمالة : نهار 2 أكتوبر عيد ميلاد يوسف، و وعدته إني نكون حاضر، و كل ليلة نحسبو فيهم في السكايب قداه مزال من نهار.
منعي من الحضور، يرد الأمور معادش في إطار اللعبة، يردها شخصية، و سأضطر للإجابة عنها شخصيا، و لن يهمني شكون عمل و شكون خاطيه : تو وزير الدفاع يفككم يا ضباط قادة أمن و دفاع كيف نهبط شكون عامل صاحبة على مرتو، و شكون مصوحب كابيتانة : في العادة لا أنزل لهذا المستوى الشخصي، و للحقارة هاذي، لكن كان بش تلزوني، نكون في المستوى و إسئلوا رشيد عمار.
نعدي 2 أكتوبر، و تفضلو : الدار 5 نهج قرقنة العوينة، ما قصيتش تسكرة عودة، انا على ذمتكم، حققوا معايا حتى إرهاب.
عذرا أصدقائي إني إضطريت نحكي هكة.
أنا أعلم أنهم أفرغ و أجبن من إنهم يعرضولي، و سأثبت بهبطاني بعد ما فتت كل الخطوط الحمر، إنهم ما يخوفوش : الكله وهم في أمخاخنا : لا خوف بعد اليوم كان مرحلة وصلنالها، موش فقط شعار.
+ تابع أيضا: ياسين العياري يكشف أسرار تنشر لأول مرة من داخل المؤسسة العسكرية