مدونة "الثورة نيوز - عاجل": بقلم نجيبة الحمروني الرئيس السابقة لنقابة الصحفيين - كذبة نبيل القروي .. لم يكف نبيل القروي تخصيص 5 حصص من برنامجه الحواري لمحاولة نسف هيئة دستورية مستقلة بل يحاول استغلال المواطنين بأسلوب شعبوي رديء وعبر مغالطات رهيبة ... قمة الشعبوية والانحطاط الميكروفون في الشارع ويسألون مواطنين لا علم لأغلبهم لا بالهايكا ولا بالقرار... يستغل المواطنين لتأليب الرأي العام.
إلى كل مواطن وشخصية وطنية وحزبية وسياسية سيشارك في سيرك نسمة وحنبعل... اعلموا أن القروي وأمثاله يروجون كذبة كبيرة مفادها ان الهايكا ستغلق القنوات والإذاعات التي لم تطبق القانون.... هذا الأمر غير صحيح ذلك أن الفصل 31 ينص على التالي "في حالة ممارسة نشاطات بث دون إجازة ، تسلط الهيئة العليا المستقلة للاتصال السمعي والبصري خطايا تتراوح بين عشرين ألف دينار وخمسين ألف دينار و لها أن تأذن بحجز التجهيزات التي تستعمل للقيام بتلك النشاطات"....
الهايكا هي برسيبوليس 2014 متاع القروي.
يا نسمة ويا حنبعل رخصة بوكم الحنين انتهت... وموش على رأسكم ريشة باش تكونوا فوق القانون... أعضاء الهايكا طبقو القانون على الناس الكل.
موش كان فلوس الحملة الشعبوية وزيدها فلوس الخطية المالية "50 مليون" تصبها نسمة وحنبعل معلوم اشتراك في منظومة الضمان الاجتماعي للصحفيين والعاملين بها... يكون أحسن... وأصحابها يُمضون على كراس الشروط ونتلهاو ببلادنا خير.
إلي يحب كاشي العيد... يجري لنسمة وحنبعل
حاصيلو نتصور في القروي لم الجماعة إلي يقبضو في الكاشيات وعمل بيهم اجتماع وقاللهم: تحبو تاخذو كاشي العيد
الجماعة: بالطبيعة نحبو وجاء في وقتو
القروي: قد ما تسبو الهايكا قد ما يقوى الكاشي
الجماعة بصوت واحد: شنية الهايكا... خليقة والا صنيعة
القروي : آش يهمك فيها... سب واقبض...
... ومنذ انتهاء الاجتماع والتعليمات متاع القروي - بلحاج وجماعة الكاشيات يسبو... ويقبضو... يسبو... ويقبضو
