كتب الإعلامي سمير الوافي - ما عندي حتى علاقة شخصية بالكوميدي السعدي الزيداني الله يرحمو...وما حكيت معاه حتى مرة...لكن وفـ ـاتو وجعتني برشة وكانت أول خبر يعكرلي مزاجي على الصباح...لأنو كل واحد فينا يعرفو أو ما يعرفوش...يحس اللي سعدي واحد منا...يشبه للتوانسة...وقريب من الزواولة وجاء منهم وما بعدش عليهم...تونسي عادي في ملامحو ولهجتو وضمارو ومواقفو وطيبتو...تونسي م البسطاء والمكافحين والزواولة والقلاله...الشهرة ما بدلت فيه شي وما بعدتوش على أصلو...ملامحو وتفاصيل وجهو وشخصيتو تخليك ترتاحلو وتحبو ويخلي بلاصتو...هذاكة علاش توجعو عليه وحسو بيه الناس الكل...في مرضو وفي وفاتو...ونفس اللي ضحكهم برشة قبل...وجعهم وبكاهم برشة اليوم...يوم الوداع...
الله يرحمو ويصبر عايلتو وأحبابو...وإنا لله وإنا إليه راجعون