يوميات مثقف حر : الحاصيلو الدماغ العربي متاع اليوم ندرا آش فيه…

كتب شمس الدين العوني

من عقود كثيرة والعرب ضايعين في القعباجي وما قدموش حاجة مهمة للقضية الفلسطينية كشعوب وأحزاب ومنظمات وأفراد وحتى الأحزاب اللي تقول بالوحدة والقومية وما الى ذلك ما نجموش حتى يتوحدوا وكل حزب يضرب في الآخر الا ما رحم ربك ..اليوم الاسرائيليين يسكروا الأقصى ويعدموا الشباب والعرب لاهين في مشكلة الخليج اللي عمقت الجراح العربية أكثر واليمن ضربتها الكوليرا عافانا وعافاكم ربي…الحاصيلو الدماغ العربي متاع اليوم ندرا آش فيه.
ويا حسرة على كبارات ورجال وعظماء العرب اللي صنعوا التاريخ وقدموا الكثير..حالة عربية خايبة وفي هذا الضياع والتيه تمشي الثروات والأموال للأمريكان وطلع ترامب ما هوش مهبول كيما يقولوا بعد ما عاد لشعبو وبلادوا من السعودية بدمجة فلوس…الحقيقة المؤسفة العرب يلزم يداووا رواحهم باش يبراومن كرههم لبعضهم…

 

 

المصدر: الصريح

©جميع الحقوق محفوظةمدونة الثورة نيوز - عاجل
Althawranews est spécialisé dans l'actualité tunisienne, notamment politique et économique (entreprises, hotels, banques, secteurs, opérateurs, acteurs, tendances, innovations, etc.). Althawranews s'intéresse aussi à l'actualité liée aux autres domaines d'intérêt public : technologie, culture, société, sport, santé, etc.. Tunisie info, actualité , titres de journaux tunisiens, météo, informations sociales, politiques, sportives, culturelles