إنهاء برنامج أمين قارة وسامي الفهري يقرر فصله من قناة الحوار التونسي: كشف الأسباب

مدونة "الثورة نيوز - عاجل": ذكرت الاعلامية عائشة عثمان أنها باستضافتها لأي فنان تونسي في برنامجها المنوعاتي “عائشة” رفقة فناني عرب يعتبر مكسب لهم.و أشارت عند الحديث عن الأموال التي تقدمها للفنانين العرب ، أن الفنانين التونسيين عليهم أن يقدموا لها الأموال لأنها خدمتهم فليست مطالبة بأن تقدم لهم الأموال،و ذلك اثر استضافة لها في اذاعة “اي اف ام “.

تصريح عايشة أثار موجة من الغضب في صفوف الفنانين التونسيين،حيث أكد بعضهم مقاطعتهم لهذه الإعلامية كما دونت إيمان الشريف على صفحتها ما يلي:
سمعت الحوار متاعك في الراديو يا عائشة
كنت نحترمك قبل وتسخفني وعاونتك في عدة مرات في حنبعل وانت كنت ترتجفين خوفا من الcaméraa وانا معاك في برنامج عايشة وتعديت معاك وسلكتهالك انا وبرشا زملاء مثل رشدي علوان ومنذر بن عمار و….العديد من الفنانين
وصولا إلى عايشة 9 tv اتصلت بي انت وفريقك وتشحتوني باش نجي مع وائل ورفضت رغم أنه صديقي
وتلبطوني مرة أخرى مع رامي عياش ورفضت
وزدتو طلبتوني مع سعد الصغير وزدت رفضت لسبب واحد وهو انكم تدفعو للبراينية وتنفعوهم والفنان التونسي تجيبوه بلاش وترقعو بيه التصويرة
يا عائشة نقلك عمرك ما كنت ولا باش تكون عايشة معانا وفي الأسرة الفنية احنا تعبنا وشقينا باش وصلنا راهي الفلوس ما تشريش القبول والإحساس والروح
وربي يسامح الفنانين التوانسة اللي عطاوك الفرصةباش تعمل برنامجك على حسابهم وذلو رواحهم وطيحو قيمة الفنان التونسي على خاطر باش يتعداو مع فنان أجنبي ويتصورو معاه
ااااااه ااااه
انا نطلب من كل الزملاء والزميلات باش ما عاد يمشي حد للبرنامج الفاشل والذي يمس من كرامة الفنان التونسي.