شهادة مدوّية وحقائق صادمة تكشفها مسيحية من قفصة كانت ضمن المجموعة التي ألقي عليها القبض في مقهى!
اشترك في خدمة "الأخبار العاجلة" واحصل على أحدث وأهم المستجدات لحظة بلحظة:

يوم 01 ديسمبر 2016

أكّد مصدر أمني مسؤول بقفصة في اتصال خصّ به الجمهورية أنّ وحدات الحرس الوطني بقفصة، قامت مساء أمس الثلاثاء 29 نوفمبر 2016, بإيقاف 9 شبان بينهم 4 فتيات للتحرّي معهم حول الاجتماع السري الذي عقدوه بإحدى المقاهي المعروفة بقفصة المدينة..

وأضاف محدّثنا أنّه تمّ إخلاء سبيل مجموعة الشبان ومن بينهم تونسيون منحدرون من ولايات مختلفة “تونس، صفاقس، قفصة، مكثر، توزر” فضلا عن أجنبيين “مصري وجزائري”، تم اخلاء سبيلهم بعد التحري معهم وتبيّن اعتناقهم للدين المسيحي وأنّهم قد قدموا الى قفصة بعد استضافتهم من قبل مواطن اصيل الجهة معتنق للمسيحية..

في هذا الإطار، تحصّلت الجمعيّة التونسيّة لمساندة الاقليات على شهادة من المواطنة إيمان التي وقع إيقافها من أجل اعتناقها الديانة المسيحيّة وهذا نصّ الرسالة :

<الى الجمعية التونسية لمساندة الاقليات>

انا ايمان شبيكي من قفصة مسيحية وانا من الجماعة الي توقفوا امس فقفصة من قبل الحرس الوطني كنا قاعدين فقهوة كيف الناس كل حتى جونا جماعة الحرس بزي مدني طلبوا بطاقاتنا وهزوا تاليفوناتنا وهزونا للاقليم الحرس وبداو يفتشوا فتليفوناتنا.. وكيف سئلناهم اش فمة قالولنا كيف تبدو مروحين توا تعرفوا منجمناش حتى نتصلوا بحد وخلونا تقريبا اربعة سوايع وكل مرة يحكو مع حد على انفراد وانا شخصيا عيطوا عليا وبهذلني واتهمني اني عاملة داري للبغاء السري بحكم الي انا ام عزباء وساكنة وحدي وبعد ماروحوا الناس كل استدعاني انا وحدي غدوة علاش منعرفش؟ ومش فاهمة..

ياخي احنا كاقلية معندناش الحق نمارسو شعائرنا الدينية او حتى نعملو قهوة مع بعضنا؟ او لاني ام عزباء ساكنة وحدي يجوز اتهامي بالدعارة وماشبه ويشوهلي سمعتي والا يحطوا اعوان مدنيين يراقبوا فيا وفداري وحتى يتجسسو عليا شكون زارني وكيفاش لبست وقداش من مرة خرجت من داري وبقداش قضيت من الحانوت؟ يعني حتى حياتي الشخصية منجمش نعيشها لاني مسيحية؟ انا نطلب انكم تاقفوا معايا خاطر الي صار عليا باش يصير على غيري كان سكتنا
Le 30 nov. 2016 11:02 PM, “imen chbiki”

 

المصدر: الجمهورية

Les dernières infos et l'actualité de la Tunisie classée par thèmes: Politique, Economie, Culture, Sport, Régions, annonces, Sciences. Découvrez gratuitement et en temps réel tous les articles, les vidéos et les infographies de la rubrique Tunisie sur 3ajl.info