تونس-الاخبارية-وطنية-سياسة-رصد
تبادل نشطاء فايسبوك بكثافة غير مسبوقة هذه الرسالة التي تقطر الما..و التي نشرها مواطن من القصرين إلى رئيس الحكومة في القصبة..و ضمن وصولها بالتأكيد:
مواطن في القصرين. ..
سي يوسف سامحني من الفجر و انا واقف لتونس في سوق “خمودة ” …واقف لخبزة صغاري نبيع في كعبتين طماطم و شوية فلفل باش ما نمدّش إيدي للسرقة …باش ما يشريش الارهاب ضميري و نخون بلادي ….باش ما نجيش لأحيائكم الراقية في العاصمة و نقلق راحتكم بالانتصاب الفوضوي ….سامحني سي يوسف راني واقف لتونس غير توة تعبت شوية لاباس ما تتفجعش سي يوسف ما ثمة شيء ..مجرد كميون ماخذ الفيزيتا بالرشوة ما عندوش مكابح دخل في الكار في قلب السوق الفوضوية …لا لاباس لاباس 20 موتى و 50 مجاريح أكاهو و سيارات الاسعاف ما قصروش عاهدكم بيهم خلطوا من بوزيد و القيروان(إخوتنا في التنمية و الرفاه ) ساعتين و إلا ثلاثة و يخلطوا …انا هاك تشوف ..لاباس شوية حروق من الدرجة الثانية و الفاميلية لاباس كان الوليد و المرا حبّهم ربي هزّهم …سي يوسف ما تقلقش روحك و تجينا الطريق حرشة عليك شوية .. و المفرخ متاع الارهاب موش مضمونين …..نرتاح شوية أكاهو سي يوسف و نعاود ناقف لتونس و زيد نتقشّف زادة كان تحبّ ….المهم انتوما لاباس سيدنا ….