وفي هذا الإطار اتصّل موقع الجمهورية بمصدر مسؤول من وزارة الداخلية لاستفساره حول ما صرّح به المواطن المذكور، فأفادنا مصدرنا انّ مصالح الوزارة لم تتسلم ايّ شكاية أو بلاغ بشأن هذا الموضوع حتّى يتم التحقيق فيه وفتح بحث في الغرض، قائلا انّه كان على هذا المواطن القيام بالاجراءات القانونية اللازمة لدى الوحدات الامنية لتقديم شكايته حتى ينال كل متورط جزاؤه إن تمّ إثبات هذه الادعاءات..
وفي المقابل هذا تذكير بنص التدوينة التي نشرها عمر عبد القادر..
" صار لي اليوم..
كنت واقف في الشارع الرئيسي لمنطقة خير الدين باشا نستنى في تاكسي..ياخي وقفلي عون امن مرور بالزي متاعو اي نعم بالزي و راكب عالموتور متاعو وطلب بطاقة التعريف..وبما انو اني مواطن صالح و نحترم القانون مديتهالو..
غزرلها وحطها في جيبو وقلي “اطلع”..طلعت وراه منو نعرف اش فما ومنو نجرب نركب عالموتور متاع “الدولة”..في الثمية قالي وين ماشي؟ قتلو lac 1..بدل الفيتاس وانطلق..بطبيعتو يحرق الضو الاحمر و يزابي بين الكراهب وجوو باهي..
كيف وصلنا وين نحب اني وهبطت..قلي 5000 !!! بطبيعتي مرهوج بالشمس قتلو لواه..عمل هكا دمرج وقالي ايجا هز بطاقتك مالمنطقة :D ..هااا ولدي يهديك..باهي خوذ هاي 5000..المهم خذاها وانطلق على بركة الله.."